Dagskrá

Sunnudagur 26. október 

Barna- og fjölskylduguðsþjónusta kl. 11. Hljómsveit kirkjunnar leiðir sönginn undir stjórn Arnar Arnarsonar. 


Námskeið í kyrrðarbæn
Námskeið í Kyrrðarbæn (Centering Prayer)í Fríkirkjunni í Hafnarfirði. Námskeiðið verður haldið laugardaginn 15. nóvember frá kl:10:00-14:00. Umsjón er í höndum Margrétar Scheving og Þorvaldar Halldórssonar. Námskeiðsgjald er 3.000 kr. Námskeiðsgögn og hádegishressing innifalin. Upplýsingar og skráning hjá Fríkirkjunni í Hafnarfirði í síma 565 3430 alla virka daga eftirhádegi eða í tölvupósti, netfang johann@frikirkja.is.  Sjá nánar á www.kristinihugun.is

Merkisdagurinn 7. október 2014

Þann 7. október 2014 rann upp merkisdagur í kirkjunni okkar því nú eru 30 ár síðan séra Einar Eyjólfsson var settur í embætti safnaðarprests við Fríkirkjuna í Hafnarfirði með eiginkonu sína, Eddu Möller, sér við hlið. Hún setti um leið mark sitt á starfið, ekki síst í sunnudaga- skólanum, kórnum og kvenfélaginu. Sjá nánar hér. 



Krúttakór - nýjung í starfinu
Krúttakór Fríkirkjunnar í Hafnarfirði er fyrir börn á aldrinum 3-5 ára,
Æfingarnar verða á mánudögum kl. 16:30 - 17:05 í safnaðarheimilinu. Þar bjóðum við upp á kaffi fyrir foreldra á meðan æfingum stendur.

Krúttakórinn er fyrsta skref barnanna til að læra að vera í kór. Áhersla verður lögð á að börnin læri ýmis lög úr mörgum áttum, að syngja hvert með öðru og hafa gaman af tónlist. Umsjón: Thelma Hrönn Sigurdórsdóttir og Erna Blöndal. Skráning á námskeiðið er hjá þeim: Thelma er með netfangið thelmasig@gmail.com og síma 695 6326 / Erna er með netfangið ernablondal@simnet.is og síma 897 2637.

Foreldramorgnar
Foreldramorgar eru notalegar stundir fyrir foreldra ungra barna og verða í vetur í safnaðarheimilinu milli kl. 10 og 12 á miðvikudögum.

Krílasálmar

Tónlistarnámskeið fyrir börn á aldrinum 3ja -24ra mánaða. 
Námskeiðið fer fram í kirkjunni á fimmtudögum frá 10:30 til 11:15 
Umsjónarmenn eru Inga Harðardóttir guðfræðingur, Örn Arnarson, tónlistarstjóri Fríkirkjunnnar og Kirstín Erna Blöndal söngkona. 
Skráning fer fram í gegnum netfangið ernablondal@simnet.is eða orn@frikirkja.is
Þátttaka er ókeypis

Fermingardagar 2015
Fermingardagar 2015: Pálmasunnudagur 29. mars, laugardagurinn 11. apríl, Sumardagurinn fyrsti 23. apríl, Sunnudagurinn 10. maí og Sjómannadagurinn. 


Hvers vegna ætti fólk að skrá sig í söfnuðinn?
Fríkirkjan í Hafnarfirði er trúfélag óháð ríkisvaldi og rekið fyrir eigin reikning. Helstu tekjur okkar eru safnaðargjöldin (þ.e. gjald sem skilað er gegnum skattkerfið fyrir hvern þann sem skráður er í söfnuðinn 16 ára og eldri). Safnaðargjöldin notum við m.a. til að greiða prestunum og öðru starfsliði laun sem eru að sjálfsögðu stærstu útgjaldaliðirnir. (Ath. að þjóðkirkjusöfnuðir hafa samskonar tekjur en að auki greiðir ríkissjóður laun presta þeirra.)

Þess vegna skiptir okkur miklu máli að sem flestir, sem njóta þjónustu prestanna okkar og annars starfsliðs, séu skráðir í söfnuðinn. Það má gera með því að fylla út eyðublað í safnaðarheimilinu eða á netinu: http://www.skra.is/eydublod#Trúfélög. Nánari upplýsingar veitir Jóhann Guðni formaður safnaðarstjórnar sem er til viðtals alla virka daga eftir hádegið í safnaðarheimilinu, Linnetsstíg 6, sími 565 3430 eða í tölvupósti: johann@frikirkja.is. 


Fjáröflun - valgreiðsla - Úps gæti komið tvisvar! 
Nú höfum við sent út valgreiðslukröfu í heimabanka fjölmargra safnaðarmeðlima. Vegna lagfæringar drógum við kröfu sem farin var út til baka 12. ágúst eftir að hún hafði verið nokkra daga í gildi og stofnuðum nýja 13. ágúst. Reynt var að tryggja að þeir sem höfðu greitt sína valgreiðslu úr fyrri útsendingu fengju ekki nýja og um leið að ekki bærust fleiri en ein krafa á hvern einstakling. Eitthvað misfórst þetta í framkvæmdinni en á nú að vera komið í lag. Við biðjumst velvirðingar á mistökunum. Með einlægri þökk fyrir framlag ykkar. Safnaðarstjórn. 

Fjáröflun - nýjung: Kortagreiðslur á vefnum


Stormað um Hafnarfjörð á ÍNN: Rætt um Fríkirkjuna í Hafnarfirði 
- viðtalið hefst þegar um 14:30 mínútur eru liðnar af upptökunni en á undan því er fróðlegt viðtal við Eirík fasteignasala í Ási um fasteignamarkaðinn í Hafnarfirði. 



Kirkjan í hólf og gólf á netinu

Nú er hægt að skoða kirkjuna á netinu, bókstaflega í hólf og gólf, 360 gráður. Það var Ólafur Haraldsson sem tók myndirnar en hann hefur þróað hugbúnað sem raðar síðan myndunum saman þannig að úr verður sannkallað listaverk. Festið bendilinn með því að halda niðri vinstri takkanum á tölvumúsinni eða strjúkið eftir snertiskjám og þannig má snúa myndinni til hliðar og upp og niður. Á sumum spjaldtölvum er lítið merki neðst hægra megin (hringir og deplar). Með því að ýta á þann hnapp má skoða kirkjuna með því að snúa tölvunni sem þá fylgir hreyfingunum. Myndin og gerð hennar er gjöf frá Ólafi og færum við honum okkar innilegustu þakkir fyrir. En myndin segir meira en þúsund orð. Sjá hér.



Fjáröflun
Undanfarin ár höfum við u.þ.b. tvisvar á ári sent valgreiðslu í heimabanka safnaðarfólks þar sem óskað er eftir 1.500 kr. framlagi svo ná megi endum saman í safnaðarstarfinu. Þessi framlög eru okkur ómetanleg og hafa m.a. gert það að verkum að við höfum náð að reka söfnuðinn "á núllinu" þrátt fyrir að við þurfum að greiða sjálf öll laun, þ.m.t. prestanna en þess má geta að auk þess að þjóðkirkjusöfnuðir fá sömu tekjur og raunar meiri en við höfum aðgang að, greiðir ríkissjóður laun presta þeirra. Eins og nærri má geta er launakostnaður langhæsti einstaki rekstrarliðurinn en þess utan höfum við þurft að standa í kostnaðarsömum viðhaldsframkvæmdum í kirkjunni með dyggum stuðningi kvenfélags og bræðrafélags safnaðarins. Nú er kominn valgreiðsluseðill í heimabanka safnaðarfólks og er einlæg von okkar að sem flestir sjái sér fært að greiða hann. Rétt er að vekja um leið athygli á að unnt er að leggja okkur lið með mánaðarlegum framlögum eða eingreiðslu með einföldum hætti gegnum greiðslukortafærslur. Sjá hér.
Með innilegum þökkum f.h. safnaðarstjórnar, Jóhann Guðni Reynisson, form.